ٹرک اور بولیرو کے تصادم میں تین ہلاک

بیکانیر: راجستھان میں ضلع بیکانیر کے نوکھا تھانہ علاقے میں گذشتہ شب ایک ٹرک اور بولیرو کی ٹکر میں تین نوجوانوں کی موت ہوگئی جبکہ دیگر تین زخمی ہوگئے ۔پولیس ذرائع نے آج بتایا کہ کل رات تقریباً پونے دو بجے کانکڑ گاؤں کے کچھ لوگ بولیرو میں سوار ہوکر نوکھا سے سجان گڑھ کی طرف جارہے تھے تبھی ان کی گاڑی سامنے سے آرہے ایک منی ٹرک سے ٹکراگئی جس سے سنتوش (30) اور رام سوروپ (30) کی موقعے پر ہی موت ہوگئی۔ زخمیوں کو بینکانیر کے پی بی ایم اسپتال لایا گیا جہاں بنسی لال نے دم توڑ دیا۔