ٹرک نے پولیس جیپ کو ماری ٹکر، داروغہ کی موت

لکھیم پور کھیری: ضلع کے پلیا علاقہ میں کل دیر رات ایک بے قابو ٹرک نے پولیس جیپ کو ٹکر مار دی جس سے اس پر سوار ایک پولیس سب انسپکٹر راکیش مشرا کی موت ہو گئی اور ایک کانسٹیبل زخمی ہو گیا۔ پولیس ترجمان کے مطابق پلیا تھانہ میں تعینات داروغہ راکیش مشرا اور کانسٹیبل اکھلیش گشت پر تھے۔ اٹریا ریلوے کراسنگ پر ایک بے قابو ٹرک نے جیپ کو پیچھے سے ٹکر مار دی۔ رات تقریباً ساڑھے بارہ بجے ہوئے اس حادثہ میں ۷۴ سالہ داروغہ راکیش مشرا کی موت ہو گئی جبکہ سپاہی شدید طور پرزخمی ہو گیا۔ رائے بریلی کے رہنے والے مسٹر مشرا کی لاش پوسٹ مارٹم کے بعد کنبہ والوں کو سونپ دی گئی ہے۔