ٹرک وجیپ کے تصاد م میں چارافراد جاں بحق

سدھارتھ نگر(نامہ نگار)ضلع کے باسی علاقہ میں ٹرک اورجیپ کے تصادم میں چارافراد ہلاک ہوگئے پولیس کے ایک ترجمان نے بتایا کہ کل رات تقریبا ساڑھے گیارہ بجے ڈیڈئی علاقہ میں پلیا کے قریب ایک منی ٹرک اورجیپ کے تصادم میں ڈرائیورہردئے رام (۳۴) ،عبدالسلام (۳۲)،جاوید احمد (۳۵) سمیت تین افراد کی موقع پر ہی موت ہوگئی اورجمال احمد(۳۰)کی اسپتال لے جاتے ہوئے موت ہوگئی۔ترجمان نے بتایا کہ حادثہ میں دودیگر افراد شدید طورسے زخمی ہوگئے جنھیں اسپتال میں داخل کرادیاگیا ہے۔ان میں سے ایک کو گورکھپورمیڈیکل کالج بھیج دیا ہے۔ترجما ن کے مطابق جیپ میں سوار لوگ لکھنؤ سے نوگر جارہے تھے جب کہ ٹرک نوگر سے بستی جارہاتھا۔پلیا کو پہلے پارکرنے کے سلسلے میںیہ حادثہ پیش آیا۔