ٹرک پلٹنے سے 7 مزدور ہلاک، 11 زخمی

بہرائچ ؛ اترپردیش میں بہرائچ کے جرول روڈ علاقے میں آج صبح ایک بے قابو ٹرک پلٹ جانے سے اس پر سوار سات مزدور ہلاک اور 11 دیگر زخمی ہوگئے ۔پولیس کے مطابق لکھنو۔بہرائچ سڑک پر جرول روڈ کے نزدیک مزدوروں کو لے جا رہا ٹرک الٹ گیا جس سے ٹرک پر سوار سات مزدور اس کے نیچے دب جانے سے ہلاک ہوگئے ۔حادثہ میں زخمی ہونے والے تمام مزدوروں کو بہرائچ ضلع اسپتال بھیجا گیا ہے ۔ چند مزدوروں کی حالت نازک ہے ۔