ٹرک کی زد میں آنے سے تین نوجوان ہلاک

گورکھپور:ضلع گورکھپور کے بیلی پار علاقے میں ایک ٹرک کی زد میں آجانے سے موٹرسائیکل پر سوار تین نوجوان ہلاک ہوگئے ۔پولیس نے بتایا کہ علاقے کے پنچایتی امیدوار کے پرچہءنامزدگی داخل کرکے واپس لوٹ رہے موٹر سائیکل پر سوار تین نوجوان سامنے سے آرہے ایک ٹرک کی زد میں آگئے ۔ اس حادثے میں دھرم راج (22) کی موقع پر ہی موت ہو گئی جبکہ دیپک (22) اور امرجیت (28) کو تشویشناک حالت میں بابا راگھوداس میڈیکل کالج اسپتال میں داخل کرایا گیا جہاں علاج کے دوران دونوں کی موت ہوگئی۔لاشیں پوسٹ مارٹم کے لئے بھیج دی گئی ہیں ۔ پولیس مفرور ٹرک ڈرائیور کو تلاش کررہی ہے ۔