ٹرک کی زد میں آکر بھائی بہن کی موت

مرزاپور: اترپردیش میں مرزا پور کے چنار علاقہ میں ایک تیز رفتار ٹرک کی زد میں آکر بھائی بہن کی موت ہوگئی۔پولیس کے مطابق دمکا کا راہل (18) اپنی بہن راکھی (16) کے ساتھ موٹر سائیکل سے کل رات بازار سے لوٹ رہا تھا ۔ اسی دوران ریلوے کراسنگ کے پاس تیز رفتار ٹرک نے ٹکر ماردی۔
اس حادثے میں بھائی بہن کی موقع پر ہی موت ہوگئی ۔ ڈرائیور ٹرک چھوڑ کر جائے حادثہ سے فرار ہوگیا ۔ پولیس معاملہ کی چھان بین کررہی ہے ۔