ٹرک کی زد میں آکر تین بچوں کی موت، چار زخمی

فرخ آباد(بھاشا)ضلع کے کمال گنج قصبہ میں آج صبح سڑک کے کنارے آگ تاپنے والے بچوں کو ایک ٹرک نے کچل دیا۔ ان میں سے تین بچوں کی موقع پر ہی موت ہوگئی جبکہ چار بچے شدید طور سے زخمی ہوگئے۔ پولیس کے ایک ترجمان کے مطابق کانپور کی جانب سے آنے والے ٹرک نے سڑک کے کنارے آگ تاپنے والے بچوں کو کچل دیا۔ ان میں تین بچوں کی موقع پر ہی موت ہوگئی۔ حادثہ کے وقت زبردست کہرا چھایا ہواتھا۔ ترجمان نے بتایا کہ چار بچے شدید طور سے زخمی ہوگئے جنہیں علاج کے لئے لوہیا اسپتال میں داخل کرادیا گیا ہے۔ حادثہ کے وقت الاؤ کے قریب تقریباً دس بچے موجودتھے۔ حادثہ کے بعد ٹرک ڈرائیور موقع کا فائدہ اٹھاتے ہوئے فرار ہوگیا جبکہ پولیس نے ٹرک کو قبضہ میں لیکر تفتیش شروع کردی ہے۔