ٹرک کی زد میں آکر ماں بیٹی ہلاک ، شوہر زخمی

لکھنؤ۔ گوسائی گنج علاقہ میں سڑک حادثہ میں ایک خاتون اور اس کی معصوم بیٹی کی موت ہوگئی۔ جبکہ خاتون کا شوہر زخمی ہوگیا۔ دوسری طرف کرشنا نگر علاقہ میں کوچنگ سے گھر واپس آرہی اسکوٹی سوار ایک طالبہ کو ایک تیز رفتار گاڑی نے ٹکر ماردی۔ زخمی طالبہ کی علاج کے دوران ٹراما سینٹر میں موت ہوگئی۔ گوسائی گنج کے رام بخش کھیڑے کے رہنے والے مزدو رننکوسائیکل سے اپنی زوجہ رادھا اور چار سال کی بیٹی کے ساتھ کھردہی بازار جارہاتھا۔ راستے میں پہاڑ نگر ٹکڑیا کے نزدیک سلطانپور کی طرف سے آنے والے ایک ٹرک نے ننکو کی سائیکل کو ٹکر ماردی۔ ٹکر لگتے ہی رادھا اور اس کی بیٹی راکھی دور جاگرے۔ اور ٹرک ڈرائیور دونوں پر ٹرک چڑھاتے ہوئے فرار ہوگیا۔ حادثہ میں ننکو بھی بری طرح زخمی ہوگیا۔ اطلاع پاکر موقع پر پہنچی پولیس نے ننکو اسپتال میں بھرتی کرایا۔ تحقیقات کے بعد پولیس نے رادھا اور اس کی بیٹی کی لاش کو پوسٹ مارٹم کے لئے بھیج دیا۔ دوسری طرف آشیانہ کے رجنی کھنڈی کی رہنے والی ۱۸سالہ شیوانی اپنی اسکوٹی سے حضرت گنج میں واقع آکاش کوچنگ سے گھر واپس آرہی تھی۔ راستے میں وی آئی پی روڈ گوپال پور موڑ کے نزدیک ایک تیز رفتار گاڑی نے شیوانی کو ٹکر ماردی۔ زخمی شیوانی کو پرائیویٹ اسپتال سے ٹراماسینٹر میں منتقل کیا گیا۔ جس کی علاج کے دوران موت ہوگئی۔ شیوانی کے والد پانچ سال پہلے ہی انتقال کرگئے تھے۔ اور اس کی ماں منورما دیپک پرنٹنگ پریس میں ملازمت کرتی ہے۔