ٹرک کی ٹکر سے ٹیکسی میں سوار چھ افراد ہلاک، سات زخمی

رائے سین:مدھیہ پردیش کے رائے سین ضلع ہیڈکوارٹر سے تقریبا 50 کلومیٹر دور سلطان پور کے پاس آج صبح ایک ٹیکسی کا ٹرک سے ٹکرا جانے کی وجہ سے چھ لوگوں کی موت ہو گئی اور سات دیگر زخمی ہو گئے ۔پولیس ذرائع کے مطابق گاڑی میں سوار تمام افراد ریاست کے چھندواڑہ ضلع کے مھورجھر کے کے رہنے والے ہیں۔ یہ تمام لوگ اشوک نگر ضلع کے کریلا میں مشہور میلے میں شامل ہونے جا رہے تھے ۔ مرنے والوں کی شناخت ابھی تک نہیں کی جا سکی ہے ۔ مرنے والوں میں ایک خاتون بھی شامل ہیں۔ زخمیوں کو یہاں کے اسپتال میں داخل کرایا گیا ہے ۔