ٹریفک پولیس کے ذریعہ رفلیکٹرلگائے گئے

بارہ بنکی۔ٹریفک ماہ کے دوران سی او سٹی وشال وکرم سنگھ کی قیادت میں ٹریفک پولیس نے ٹریکٹر ٹرالیوں میں بیک لائٹ یا رفلیکٹر نہ ہونے کی وجہ سے حادثوں میں اضافہ کے پیش نظر گاڑیوں میں رفلیکٹر لگاکر لوگوں کو بیدارکیا۔ واضح رہے کہ سردیوں میں کہرے کے سبب شاہراہ کے کنارے یا دیگر سڑکوں پر کھڑی ہوئی گاڑیوں میں بیک لائٹ یا رفلیکٹر نہ ہونے کے سبب حادثات ہوتے ہیں ،ان حادثات میں بہت سے افراد ہلاک ہو جاتے ہیں اسی سلسلہ میں سی او سٹی وشال وکرم سنگھ، ٹی ایس آئی منوج پنت کی قیادت میں دو درجن سے زائد گاڑیوں کا چالان کیا گیا۔ا س دوران تین ہزار روپئے سے زائد جرمانہ بھی وصول کیا گیا۔