چندوسی(نامہ نگار)آج صبح بریلی پسنجر ٹرین سے ایک شخص کی ٹرین سے گرنے کے بعد موت ہوگئی اطلاع ملنے کے بعد جی آرپی موقع پر پہنچ کرلاش کو پوسٹ مارٹم کے لئے بھیج دیا۔ موصولہ خبر کے مطابق آج صبح بریلی سے علی گڑھ جانے والی پسنجر ٹرین سے ایک شخص گرگیا اورٹرین کی زد میں آکرشدید طورسے زخمی ہوگیا اس کے ساتھ اس کی بیٹی بھی تھی بتایاجارہا ہے کہ اطلاع ملنے کے جی آرپی پولیس موقع پر پہنچی اس وقت تک مریض زندہ تھا۔طبی علاج نہ ملنے کے سبب اس کی موقع پر ہی موت ہوگئی۔ مسافر کی شناخت ملکھان پور بسولی کے باشندے جگت پال سنگھ کے طورپر کرلی گئی۔جگت پال اپنی ۱۶؍سالہ بیٹی کیلئے دوالینے کیلئے بریلی علی گڑھ پیسینجر سے جارہاتھا۔اسی دوران وہ ٹرین سے گر گیا جب کہ اس کی بیٹی ٹرین سے آگے چلی گئی۔
