لکھنؤ۔(نامہ نگار)کاکوری علاقے میں ٹرین سے گر کر ایک خاتون کی موت ہوگئی۔ مقامی لوگوں نے ریلوے لائن پر لاش کو دیکھ کر اس کی اطلاع پولیس کو دی ۔ موقع پر پہنچ کر پولس نے لاش کو قبضے میں لیکر پوسٹ مارٹم کیلئے بھیج دیا۔موصولہ خبر کے مطابق سنڈیلہ قصبہ کے باشندہ راج کمار کی بیوی شانتی دیوی(۳۵)چنڈی گڑھ سے واپس آرہی تھی۔ ٹرین جب کاکوری واقع منڈولی ریلوے اسٹیشن پر پہنچی تو ٹرین سے اترتے ہوئے اس کا پیر پھسل گیا اور وہ ٹرین کے نیچے آگئی۔ اور اس کی موقع پر ہی موت ہوگئی ۔ اسٹیشن موجو د لوگوںنے حادثے کی اطلاع پولیس کو دی۔ اطلاع ملنے کے موقع پر پہنچ کر پولس نے لاش کو قبضہ میں لیکر پوسٹ مارٹم کیلئے بھیج دیا۔
