باندہ (وارتا)باندہ کے برا علاقے میں ایک ٹریکٹر ٹرالی کے الٹنے کے سبب لڑکی سمیت پانچ خواتین ہلاک ہوگئیں۔ جبکہ دیگر ۳۰افراد زخمی ہوگئے ۔ پولیس کے ایک ترجمان کے مطابق بدوسہ علاقے کے برچھوا گاؤں میں چلکئی یادو کے بیٹے کی شادی کی تقریب تھی۔ تقریب کے بعد کنبے اور گاؤں کی خواتین ٹریکٹر ٹرالی سے اترا علاقے کے ایک مندر میں جارہی تھیں۔ برا علاقے کی پانڈے رائس میل کے قریب ٹریکٹر بے قابو ہوکر پلٹ گیا ۔ حادثہ میں تین سالہ بچی ارملا کے علاوہ سبھدرا(۳۵)،منی(۴۰)اور شکنتلا(۳۰) کی موت ہوگئی۔ حادثہ میں زخمی تمام لوگوں کو اسپتال میں داخل کرادیا گیا ہے جن میں سے کچھ افراد کی حالت تشویشناک بتائی جارہی ہے۔
