ٹریکٹر ڈرائیور کی لاش نالے میں پڑی ملی

لکھنو؛: پی جی آئی علاقے میں رہنے والے ایک ٹریکٹر ڈرائیور کی لاش گھر کے نزدیک نالے میں پڑی ملی۔ پولیس کاکہنا ہے کہ ٹریکٹر ڈرائیور کی موت شراب پینے کی وجہ سے ہوئی۔ پی جی آئی کے اما کالونی میں ٹریکٹر ڈرائیور ۳۲ سالہ پپو اپنے کنبہ کے ساتھ رہتا تھا۔ بتایاجاتاہے کہ اتوار کی شب پپو شراب کے نشے میں گھر آیا شراب پینے کے سلسلے میں جب اس کو کنبہ والوں نے منع کیا تو اس کا کنبہ والوں سے جھگڑا ہو گیا اس کے بعد وہ گھر سے نشے کی حالت میں چلا گیا۔ اس کے بعد پپو واپس گھر نہیں لوٹا ۔ آج صبح پپو کی لاش گھر کے نزدیک بنے ایک نالے میں پڑی ملی۔ اطلاع پا کر موقع پر پہنچی پولیس نے نالے سے پپوکی لاش کو باہر نکالا اور تفتیش کے بعد پوسٹ مارٹم کےلئے بھیج دیا۔ پولیس کاکہنا ہے کہ پپو کی نشے کی حالت میں نالے میںگرنے سے موت ہو گئی۔