ٹرک کی ٹکر لگنے سے ایک شخص کی موقع پر موت

کانپور:پنکی تھانہ علاقے میں اوور لوڈ آرہے ٹرک میں موٹر سائیکل سوار نوجوان کو پیچھے سے ٹکر مار دی سڑک حادثے میں اس کی موت ہو گئی اور ٹرک ڈرائیور ٹرک لے کر فرار ہو گیا۔ پنکی تھانہ حلقہ کے پنکا گاوں میں رہنے والا ۴۲ سالہ متھرا پرساد اتوار کی صبح موٹر سائیکل لے کر دوست سے ملنے جارہا تھا۔ پنکا گاوں کے باہر پیچھے سے آئے تیز رفتار ٹرک نے اسے ٹکر مار دی ۔ ٹکر لگتے ہی ڈرائیور موقع سے فرار ہو گیا۔ موٹر سائیکل ڈرائیور کی موت ہو جانے پر دیہی باشندوںنے حادثے کی اطلاع متوفی کے کنبہ والوں کو دیتے ہوئے پولیس کو دی۔ موقع پر پہنچی پولیس نے لاش کو کنبہ والوں کے آنے سے پہلے ہی پوسٹ مارٹم کےلئے بھیج دی۔ ایس او آشیش کمارمشرا کاکہنا ہے کہ متاثر کنبہ کی تحریر کی بنیاد پر فرار ڈرائیور کے خلاف مقدمہ درج کر کے اس کی تلاش کی جا رہی ہے۔