ٹیسٹ رینکنگ، جنوبی افریقہ بدستور پہلے نمبر پر براجمان

دبئی: بھارت کی سری لنکا کیخلاف 11 سال بعد ٹیسٹ سیریز میں کامیابی کے بعد آئی سی سی نے بھی نئی ٹیسٹ رینکنگ جاری کردی، افریقہ بدستور پہلے نمبر پر موجود، جنوبی افریقہ آئی سی سی کی تازہ ترین ٹیسٹ ٹیم رینکنگ میں بدستور پہلے نمبر پر براجمان ہے۔ پاکستانی ٹیم چوتھے نمبر پر موجود ہے، سری لنکا کے خلاف ٹیسٹ سیریز میں فتح پانے کے بعد بھارتی ٹیم کے ریٹنگ پوائنٹس میں 3 پوائنٹس کا اضافہ ہوا ہے اور وہ پاکستان کے قریب پہنچ گئی ہے۔ شکست خوردہ سری لنکن ٹیم ساتویں نمبر پر برقرار ہے، تاہم اس کے ریٹنگ پوائنٹس میں کمی ہوئی ہے۔