ٹیم کو ایک اچھی شراکت کی ضرورت تھی : واٹسن

 دبئی۔ کپتان مہندر سنگھ دھونی کی ٹیم چنئی سپر کنگزسے کل رات آئی پی ایل میچ میں یہاں شکست کھانے والی ٹیم راجستھان رائلز کے کپتان شین واٹسن نے اس ہار کو انتہائی مایوس کن قرار دیا اور کہا کہ ان کی ٹیم کو ایک اچھی شراکت کی ضرورت تھی ۔ روندر جڈیجہ کی آل رائونڈر کارکردگی سے چنئی سپر کنگ نے شروع میں اتار چڑھائو سے گزرنے کے بعد شاندار واپسی کرتے ہوئے کل رات یہاں راجستھان رائلس کو سات رن سے شکست دے کر آئی پی ایل سات میں اپنی مسلسل دوسری جیت درج کی ۔واٹسن نے کہا یہ ہار بہت مایوس کن ہے ۔ ہمیں ایک اچھی شراکت کی ضرورت تھی لیکن ایسا نہیں ہو پایا ۔ ان کی مضبوط بلے بازی کے سامنے ہمارے گیند بازوں نے اچھی کارکردگی کا مظاہرہ کیا ۔ انہوں نے کہا کہ کچھ بلے بازوں نے غیرذمہ دارانہشاٹ لگا کر اپنے وکٹ گنوائے ۔واٹسن نے کہا ، جس طرح سے اسٹیون اسمتھ نے خاص طور شروع میں وکٹ نکلنے کے باوجود شاٹ لگایا اکثر ایسا دیکھنے کو نہیں ملتا ۔ ہمیں اگلی بار اس طرح کے ہدف کا تعاقب کرتے ہوئے بہتر کھیل دکھانا ہوگا ۔ میں کپتان ہوں اور نمبر چار پر بلے بازی کے لئے آتا ہوں ۔ مجھے اس طرح سے آؤٹ نہیں ہونا چاہئے تھا ۔