ٹیم کیلئے جیت کی ہیٹرک اہم : ملر

چنڈی گڑھ۔ جنوبی افریقہ کے دھماکہ خیز بلے باز ڈیوڈ ملر کا خیال ہے کہ انڈین پریمیئر لیگ میں مسلسل تین جیت کنگز الیون پنجاب کی ٹیم کے لئے بہت معنی رکھتی ہے ۔ انہوں نے کہا کہ اس بار ٹیم گزشتہ سال کے مقابلے میں زیادہ متوازن ہے ۔ چوبیس سالہ ملر سے جب اس سیشن میں ٹیم کے بارے میں پوچھا گیا ، انہوں نے کہا اس بار ٹیم بہت متوازن ہے ۔ انہوں نے اس کے ساتھ ہی کہا کہ موجودہ ٹیم میں کئی اچھے میچ فاتح اور بیک اپ کھلاڑی ہیں ۔ ملر نے پہلے دو میچوں میں چنئی سپر کنگز اور راجستھان رائلز کے خلاف نصف سنچری جمائی تھی ۔گلین میکسویل نے اب تک تین میچوں میں 95 ، 89 اور 95 رنز کی اننگز کھیلی اور ملر نے کہا کہ یہ آسٹریلوی بلے
باز بہت اچھی فارم میں ہے اور وہ اچھے گیندبازی حملہ کی بھی دھجیاں اڑا سکتا ہے ۔انہوں نے پی ٹی آئی سے فون پر کہا ، ٹیم اپنا فاٹحمہم جاری رکھنا چاہتی ہے ۔