ٹینکر کی زد میں آجانے سے تین ہلاک، دو زخمی

فیروز آباد:یہاں کے سرسا گنج علاقے میں ایک تیز رفتار ٹینکر اور ٹمپوکے ٹکراجانے سے تین افراد ہلاک اور دو زخمی ہوگئے ۔پولیس کے مطابق آگرہ کے فتح آباد کا رہنے والا ایک کسان ٹمپو میں سبزی لے کر سرسہ گنج منڈی میں بیچنے جارہا تھا اسی وقت ٹمپو خراب ہوگیا جب وہ ٹمپو کی مرمت کرارہا تھا تبھی ایک تیز رفتار ٹینکر نے اسے ٹکر مار دی ۔اس حادثے میں کسان لکشمن (38)، راجندر سنگھ (40) اور ٹمپو ڈرائیور بنٹی (35) کی موقع پر ہی موت ہوگئی جبکہ دو دیگر زخمی ہوگئے ۔زخمیوں کو علاج کے لئے آگرہ بھیج دیا گیا ہے ۔