ٹی وی سیریز ہیروز ری بورن کا ٹریلر جاری

لاس اینجلس: امریکی ٹی وی سیریز ‘ہیروز ری بورن’ کا نیا ٹریلر ریلیز کر دیا گیا ہے۔ نئی سائنس فکشن سیریز 24 ستمبر کو نمائش کے لیے پیش کی جائے گی۔ غیر ملکی خبر رساں ادارے کے مطابق یہ منفرد ٹی وی سیریز سائنسی کرداروں، خوبصورت مناظر اور تھرل سے بھرپور ہے۔ ہیروز ری بورن کی کہانی ایک نوجوان کی طلسماتی طاقت کے گرد گھومتی ہے جو دنیا سے برائی کے خاتمے کا عزم لے کر میدان میں سرگرم عمل ہے۔ نمایاں کرداروں میں جیک کول مین، کرسٹا برجز، فرانسیسکا ایسٹ وڈ اور ریان گزمین شامل ہیں۔ منی ٹی وی سیریز رواں ماہ شائقین کا دل لبھانے آ رہی ہے۔