پالی امری گرٹرافی کو ہاتھ میں لینے کا خواب پورا ہوگیا:بھونیشور

ممبئی۔ہندوستانی فاسٹ بولر بھونیشور کمار نے کچھ سال پہلے سہواگ سے ان کی پالی امری گر ٹرافی کو قریب سے دیکھنے کی اجازت مانگی تھی لیکن جمعہ کی رات جب بی سی سی آئی نے انہیں کرکٹر آف دی ایئر ایوارڈ سے نوازا تو میرٹھ کے نوجوان کرکٹر کا اس ٹرافی کو ہاتھ میں لینے کا خواب بھی پورا ہوگیا۔ہندوستانی کرکٹ کنٹرول بورڈنے میرٹھ کے کھلاڑی بھونیشور کو ایک اعزازی تقریب میں کرکٹ آف دی ایئر ایوارڈ سے نوازا اور پالی امری گر ٹرافی ملاقات کی۔ بھونیشور کے تینوں پرفارمیٹ میں آلرائونڈر کارکردگی کیلئے انہیں یہ ایوارڈ دیا گیا۔ ٹرافی کو دیکھ کر انتہائی جذباتی دکھائی دے رہے بھونیشور نے کہامج
ھے جب سال 2007۔08 میں وریندر سہواگ کو یہ ایوارڈ ملا تو میں نے ان سے کہا تھا کہ کیا میں اسے نزدیک سے دیکھ سکتا ہوں۔ میں اس وقت انڈر 19 ٹیم کا حصہ تھا۔ لیکن اب یہ ٹرافی کو اپنے ہاتھوں میں لینے کا میرا خواب بھی مکمل ہو گیا ہے ۔گزشتہ دو سالوں میں اپنے آلرائونڈر کارکردگی سے ہندوستانی کرکٹ ٹیم میںاہم بن چکے بھونیشور نے اتنے کم وقت میں ہی قومی ٹیم کی جانب سے تینوں فارمیٹ میں کھیلا ہے۔ تیز گیند باز بھونیشور نے لیکن گیند بازی کے ساتھ ساتھ نچلے آرڈر پر کمال کی بلے بازی سے بھی اپنا لوہا منوایا ہے۔اس سال کے شروع میں انگلینڈ کے دورے پر ہندوستانی ٹیم کا حصہ رہے بھونیشورنے سات ٹسٹ میچوں میں 22 وکٹ لینے کے ساتھ 263 رنز بھی بنائے۔ انہوں نے 22 ون ڈے میچوں میں 17 وکٹ بھی اپنے نام کیے۔ بھونیشور نے کہامیں اس ایوارڈ کے لیے اپنے ٹیم کے ساتھیوں کا شکریہ ادا کرنا چاہتا ہوں۔ ان کے بغیر یہ ٹرافی حاصل کرنا ممکن نہیں ہو سکتا تھا۔اس درمیان ہندوستان کے سابق کپتان دلپ ویگسرکر کو کرنل سی کے نائیڈو لائف ٹائم اچیومنٹ ایوارڈ سے نوازا گیا۔ ویگسرکر نے کہامیں ان لوگوں کی فہرست دیکھ رہا تھا جنہیں گزشتہ برسوں میں یہ ایوارڈ ملا ہے۔ مجھے یقین نہیں ہو رہا ہے کہ میں بھی ان کی فہرست میں شامل ہو گیا ہوں۔ میں بی سی سی آئی کا شکریہ دینا چاہتا ہوں ۔