پانچ روز سے اند ھیر ے میں ڈوبا ہے چتاہی گاؤں

ڈومریاگنج ؍سدھارتھ نگر (نامہ نگار)ڈومریا گنج تحصیل علاقہ کے چتاہی گاؤں میں بجلی سپلائی کے لئے نصب ٹرانسفارمر پانچ روز قبل اچانک جل جانے سے اچانک پورا گاؤں تاریکی میں ڈوب گیا ہے۔ جون ماہ کی سخت گرمی میں لوگ بجلی کے بغیر زندگی گذارنے پر مجبور ہیں۔غورطلب ہے کہ ٹرانسفارمر کے جلنے کی اطلاع دیہی باشندوں نے محکمہ توانائی کے افسران کو دے دی تھی لیکن محکمہ کے لوگ ٹرانسفارمر تبدیل کرنے کے لئے کوئی دلچسپی نہیں لے رہے ہیں۔چتاہی گاؤں کے اروند سونی ،وویک شریواستو، وپن شریواستو ، رنکو تیواری ،لکشمن شریواستو،سورج شریواستو ،فرحان ملک اور ونو شریواستو وغیرہ نے جلے ہوئے ٹرانسفارمر کو تبدیل کرکے نیا زیادہ صلاحیت والا ٹرانسفارمر جلد از جلد لگائے جانے کا مطالبہ کیا ہے۔