ممبئی: بالی ووڈ کے ورسٹائل اداکار پریش راول نے کہا ہے کہ ہندی فلموں کا موازنہ ہالی ووڈ تو کیا پاکستانی ڈراموں سے بھی نہیں کیا جا سکتا۔ دیئے گئے انٹرویو میں اداکار نے کہا کہ ایک فلم کی کامیابی کا انحصار آمدنی پر نہیں بلکہ اس کے پلاٹ اور اداکاری کو زیادہ اہمیت دیتا ہے۔ اپنی فلم راجہ نٹور لال کی تشہیر کے سلسلے میں دیئے گئے انٹرویو میں پریش راول نے کہا کہ ہالی ووڈ کو بھول جائیں ہماری فلموں کا مقابلہ تو پاکستانی ڈراموں سے بھی نہیں ہو سکتا، پاکستانی شوز کو ہم پر بالادستی حاصل ہے۔ ہمیں کچھ سمارٹ فلموں کو بنانے کی ضرورت ہے تاکہ ہمارے ناظرین انہیں سمجھ سکیں اور اسی چیز نے مجھے ‘راجہ نٹور لال’ کی جانب متوجہ کیا، ایس
یؤ فلموں کے لیے یہاں کافی مواقع دستیاب ہیں۔ انہوں نے مزید کہا کہ میں نے کافی اچھا کام کیا ہے مگر مجھے نہیں لگتا کہ میں نے سب کچھ کر لیا ہے، اسکرپٹ ہمیشہ اداکار سے بڑا ہوتا ہے اور مجھے ابھی تک اچھے اسکرپٹس، دلچسپ کہانیاں اور طاقتور کردار ملے ہیں، میں فلموں میں کام جاری رکھوں گا مگر ایک اداکار کی حیثیت سے میں صرف اچھی کہانیوں کو پسند کرتا ہوں۔
