پاکستانی ہاکی ٹیم کوریا پہنچی

کوریا۔ایشئنز گیمز میں شرکت کیلئے پاکستان ہاکی ٹیم کوریا کے لیے روانہ ہوگئی ہے، گرین شرٹس ایونٹ میں اپنے اعزاز کا دفاع کرے گی۔ جنوبی کوریا میں شیڈول سترہویں ایشیائی گیمز میں ہاکی ایونٹ انیس ستمبر سے شروع ہو گا۔ قومی ہاکی ٹیم اپنے اعزاز کا کامیاب دفاع کرنے کے لیے جمعے کو لاہور سے براستہ بنکاک روانہ ہو گی۔ اسلام آباد کے نصیر بندہ سٹیڈیم میں تربیتی کیمپ کے بعد ہیڈ کوچ شہناز شیخ اور کپتان محمد عمران سمیت کھلاڑیوں نے جیت کے عزم کا اظہار کیا۔ انہوں نے کہا کہ ورلڈ کپ میں عدم شرکت سے مایوس شائقین کو جیت سے خوش کر دیں گے۔