پاکستان اور آسٹریلیا ویمنز کے مابین اب تک ہونے والے ون ڈے میچز میں آسٹریلیا کو برتری حاصل

برسبین ۔ 22 اگست (ےو اےن اےن) پاکستان اور آسٹریلیا کی خواتین کرکٹ ٹیموں کے مابین اب تک ہونے والے ون ڈے میچوں میں آسٹریلیا کو برتری حاصل ہے۔ دونوں ٹیموں کے مابین اب تک پانچ ون ڈے میچز ہوچکے ہیں جس میں سے پانچوںمیچوں میں آسٹریلیا کی ٹیم نے فتح حاصل کی۔ پاکستان کی ٹیم آسٹریلیا سے کوئی ون ڈے میچ نہیں جیت سکی۔ پاکستان کرکٹ ٹیم کی کپتان ثناءمیر کا کہنا ہے کہ آسٹریلیا کی ٹیم دنیا کی نمبر ون ٹیم ہے، پہلے میچ میں شکست کو بھلا کر دوسرا میچ جیت کے لیے میدان میں اتریں گے۔ پہلے میچ میں شکست کے باوجود ٹیم کے حوصلے پست نہیں ہوئے ۔