پاکستان نے عمان کو آٹھ صفر سے شکست دی

انچیون۔پاکستان ایشیائی کھیلوں میں ہاکی کے مقابلوں میں اپنے اعزاز کا دفاع کر رہا ہے جنوبی کوریا میں جاری ایشیائی کھیلوں میں ہاکی کے مقابلوں میں پاکستان نے عمان کو آٹھ صفر سے شکست دے دی ہے۔پاکستان کا یہ گروپ میچوں میں چوتھا اور آخری میچ تھا۔ پاکستان اپنے گروپ میں ناقابل شکست رہا ہے۔میچ میں پاکستانی ٹیم نے کمزور حریف کیخلاف میچ کا آغازجارحانہ کیا۔عمان نے پاکستانی ٹیم کاڈٹ کرمقابلہ کیا اور دفاعی کھیل پیش کیا جس کے باعث پہلے کوارٹر میں پاکستانی ٹیم صرف ایک ہی گول کر پائی۔دوسرے کوارٹرمیں بھی پاکستان نے حملے برقرار رکھے اور تین گول کیے۔ت
یسرے اور چوتھے کوارٹر میں بھی پاکستانی ٹیم چھائی رہی اورمزید چارگول کرکے میچ میں 0-8 سے کامیابی حاصل کرلی۔کپتان عمران محمد، عرفان اور عبدالحسیم نے دو دو گول جبکہ عمر بھٹہ اوردلبر نے ایک ایک گول کیا۔مسلسل چوتھی کامیابی حاصل کرنے والی پاکستانی ٹیم نے اس سے پہلے سری لنکا کو0-14 اورچین کو0-2 سے ہرایا تھا۔روایتی حریف ہندوستان کو1-2 سے شکست دی تھی۔اس کامیابی کے ساتھ گروپ بی میں پاکستان پہلی پوزیشن پر آگیا ہے۔یاد رہے کہ پاکستان اس ایونٹ کے سیمی فائنل میں پہلے ہی اپنی جگہ بنا چکا ہے۔ایشیائی کھیلوں میں ہاکی کے مقابلے نئے قوانین کے تحت کھیلے جا رہے ہیں جن کے مطابق اب ہاکی میچ میں 35،35 منٹ کے دو ہاف کی بجائے پندرہ پندرہ منٹ کے چار کوارٹرز پر مشتمل ہوتا ہے۔پاکستان ایشیائی کھیلوں میں ہاکی کے مقابلوں میں اپنے اعزاز کا دفاع کر رہا ہے۔