پتھورا گڈھ میں جیپ کھائی میں گری ، 14 ہلاک متعدد زخمی

پتھوراگڈھ، 20نومبر :اتراکھنڈ کے ضلع پتھورا گڈھ کے دھرچلا سب ڈویژن میں آج صبح ایک جیپ کے گہری کھائی میں گرجانے سے کم از کم 14 افراد ہلاک اور متعدد زخمی ہوگئے۔پتھورا گڈھ کے ایس پی وجے کرکی کے مطابق آج صبح حادثے کے بارے میں تقریباً 8 بجکر 50 منٹ پر اطلاع موصول ہوئی جس کے بعد انتظامیہ ، پولیس اور طبی ٹیمیں جائے حادثہ پر پہنچ گئیں۔انہوں نے حادثے میں 14 افراد کی ہلاکت کی تصدیق کی ہے۔مقامی ذرائع کے مطابق تقریباً 16 افراد ہلاک اور چھ زخمی ہوئے ۔ ذرائع کے مطابق 15 افراد موقع پر ہی ہلاک ہوئے جبکہ ایک شخص نے اسپتال میں دم توڑدیا۔ذرائع نے بتایا کہ جیپ پر 22 افراد سوار تھے جو راٹھی جما سے درچلا جارہے تھیاگر چہ ابھی تک حادثے کی وجہ معلوم نہیں ہوسکی ہیلیکن ممکن ہے کہ ڈرائیور نے گاڑی پر قابو کھو دیا اور وہ کھائی میں جاگری۔