پردے پر آنے سے قبل موہت مارواہ نے کی پوری تیاری

بالی وڈ میں آئے دن کوئی نہ کوئی نیا چہرہ دکھائی دیتا رہتا ہے ۔ اس لئےکا آنا ناظرین کے لئے نیا نہیں ہے ۔ لیکن اس معنی میں موہت مارواہ خاص ہیں کہ انہوں نے بڑے پردے پر آنے سے پہلے اس کے لئے کافی محنت کی ہے اور باقاعدہ ٹریننگ بھی لی ہے ۔ موہت مارواہ فلم پھگلی سے ڈیبو کررہے ہیں ۔ جانے مانے فلمساز بونی کپور ، ہیرو اور فلمساز سنجے کپور اور معروف فلمسٹار انیل کپور کے بھانجے موہت مارواہ نے اے ای ایف ٹی فلم سٹی نوئیڈا سے ٹریننگ لی ہے ۔ فلم پھگلی کو اکشے کمار اور اشونی یاردی نے پروڈیوس کیا ہے جبکہ اس کے ڈائریکشن کی کمان کبیر سدانند نے سنبھالی ہے ۔ موہت مارواہ کے علاوہ اس فلم میں جمی شیرگل ، وجیندر سنگھ اور عرفی لامبا بھی ہیں ۔ اس فلم میں موہت مارواہ کا رول کافی دمدار ہے ۔