نئی دہلی’:صدر پرنب مکھرجی اور وزیر اعظم نریندر مودی نے پی ایس ایل وی س۔35 کے ذریعہ اسکیٹ سیٹ ۔1 اور سات سیٹلائٹوں کو کامیابی سے خلاف میں نصب کرنے پر اسر و کے سائنس دانوں کو مبارک باد دی۔صدر نے ٹوئٹ کیا ‘ پی ایس ایل وی۔ سی 35 کے ذریعہ اسکیٹ سیٹ 1 اور دیگر سات سیٹلائٹوں کو کامیابی سے خلاء میں نصب کرنے پر اسرو کو دلی مبارک باد۔’وزیر اعظم نے کہا کہ ہندوستان کے لئے یہ انتہائی خوشی اور فخر کا لمحہ ہے ۔
پی ایس ایل وی سی۔35 کے ذریعہ اسکیٹ سیٹ 1 اور دیگر سات سیٹلائٹوں کے کامیاب لانچنگ پر اسرو کو مبارک باد۔ انہوں نے کہا کہ ہمارے خلائی سائنس دانوں نے ایک بار پھر تاریخ رقم کی ہے ۔ ان کی کامیابی سے 125 کروڑ ہندوستانیوں کے دلوں کو چھوا ہے اور دنیا بھر میں ہندوستان کا سر فخر سے بلند کیا ہے ۔
اسرو نے آج ایک نیا میل کا پتھر قائم کرتے ہوئے پی ایس ایل وی۔سی 35 کی کامیاب لانچنگ کرکے اسکیٹ سیٹ 1 کے علاوہ دیگر سات سیٹلائٹوں کو کامیابی کے ساتھ مدا رمیں قائم کردیا گیا۔ یہ اسرو کا اب تک کا سب سے چیلنجنگ مہم تھا کیوں کہ اس میں سیٹلائٹوں کو الگ الگ اونچائی والے مدار میں قائم کرنا تھا۔
