بولی وڈ اداکار سلمان خان ایک کے بعد ایک بہترین فلموں میں کام کر رہے ہیں اور ان کی کل ریلیز ہونے والی فلم ’پریم رتن دھان پایو‘
کو پاکس آفس پری کامیابی ملی ہے۔
انڈین ایکسپریس کے مطابق سلمان خان کی فلم ’پریم رتن دھان پایو‘ نے ریلیز کے پہلے ہی دن باکس آفس پر 40 کروڑ روپے سے زائد کمالیے ہیں۔
ہندوستانی تجزیہ نگار ترن ادرش نے بھی اس حوالے سے سماجی رابطے کی ویب سائٹ ٹوئٹر ہر ٹویٹ کی۔
سورج برجاتیہ کی ہدایات میں بننے والی فلم ’پریم رتن دھان پایو‘ 12 نومبر کو سنیما گھروں میں نمائش کے لیے پیش کی گئی جس کے بعد سلمان خان کے مداحوں نے بڑی تعداد میں فلم کو دیکھنے کے لیے سنیما گھروں کا رخ کیا۔
اس فلم میں سلمان خان نے ایک مرتبہ پھر ’پریم‘ کے نام سے کردار ادا کیا۔
یاد رہے کہ سورج برجاتیہ نے سلمان خان کو بولی وڈ میں ’پریم‘ نام سے پہچان دلائی تھی۔
اس سے قبل سلمان خان کی ریلیز فلم ’بجرنگی بھائی جان‘ نے اپنے ریلیز کے پہلے دن 27 کروڑ روپے کمائے تھے۔
فلم ’پریم رتن دھان پایو‘ میں سلمان خان کے ہمراہ سونم کپور، نیل نیتن مکیش اور انوپم کھیر نے اہم کردار ادا کیا ہے۔
