بالی وڈ کی دیسی گرل پرینکا چوپڑا کی اگلی فلم ’میری کام‘ پرینکا کے نئے انداز کو لے کر کافی چرچا میں ہے ۔ سنجے لیلا بھنسالی کی اس فلم میں پگی چوپس اولمپک میڈل یافتہ ایم سی میری کام کا کردار پرینکا چوپڑا ادا کر رہی ہیں ۔ سات خون معاف اور برفی جیسی فلموں میں عمدہ اداکاری کرنے والی پرینکا چوپڑا کا کردار اس فلم میں الگ ہوگا ۔ اس فلم کو ریلٹی سے جوڑنے کے لئے پرینکا گزشتہ سال میری کام سے ملنے ان کے گاؤں تک گئی تھیں ۔ پرینکا نے حال ہی میں زویا اختر کی فلم ’ دل دھڑکنے دو‘ بھی سائن کی ہے ۔
