کرائسٹ چرچ۔آج کھیلے جانے والے میچ میں نیوزی لینڈ نے جنوبی افریقہ کو 134 رنز کے بڑے فرق سے ہرایا۔اس میچ میں میزبان ٹیم نے پہلے کھیلتے ہوئے مقررہ 50 اوورز میں آٹھ وکٹوں کے نقصان پر 331 رنز بنائے۔نیوزی لینڈ کے کپتان برینڈن میککلم اور کین ولیمسن نے نصف سنچریاں بنا کر اپنی ٹیم کو اس بڑے اسکور تک پہنچنے میں مدد دی۔اس کے جواب میں جنوبی افریقہ کی ٹیم 45ویں اوور میں 197 رنز بنا کر آؤٹ ہوگئی۔ایک موقع پر جنوبی افریقہ کے چھ کھلاڑی 62 رنز پر آؤٹ ہو چکے تھے لیکن پھر جے پی ڈومینی نے فیلنڈر کے ساتھ مل کر ساتویں وکٹ کے لیے 121 رنز کی شراکت بنا ڈالی۔ان دونوں بلے بازوں نے ٹیم کا اسکور 183 تک پہنچایا لیکن پھر وکٹیں گرنے کا سلسلہ دوبارہ شروع ہوا
اور پوری ٹیم اسکور 197 رنز بنا کر پویلین لوٹ گئی۔نیوزی لینڈ کے لیے ٹرینٹ بولٹ نے 5 وکٹیں لے کر ٹیم کی فتح میں اہم کردار ادا کیا۔دوسرے میچ میں زمبابوے نے سری لنکا کو سات وکٹوں سے شکست دے کر اپنے گروپ کی ٹیموں کے لیے خطرے کی گھنٹی بجا دی۔سری لنکا نے اس میچ میں فتح کے لیے زمبابوے کو 280 رنز کا ہدف دیا جو اس نے ہملٹن مساکادزا کی سنچری کی بدولت 45ویں اوور میں باآسانی تین وکٹوں پر حاصل کر لیا۔زمبابوے کو آغاز میں دو وکٹوں کا نقصان اٹھانا پڑا لیکن پھر مساکادزا نے پہلے برینڈن ٹیلر اور پھر شان ولیمز کے ساتھ مل کر عمدہ بلے بازی کی اور ٹیم کو فتح یاب کروایا۔مساکادزا نے 117 رنز بنائے اور آؤٹ نہیں ہوئے۔ ان کا ساتھ دینے والے شان ولیمز اور برینڈن ٹیلر نے بھی نصف سنچریاں بنائیں۔اس سے قبل سری لنکا کی اننگز میں خاص بات کرونارتنے اور جیون مینڈس کی نصف سنچریاں تھیں۔ انھوں نے بالترتیب 58 اور51 رنز کی اننگز کھیلیں۔خیال رہے کہ ان وارم اپ میچوں کو باقاعدہ ون ڈے یا فرسٹ کلاس میچ کا درجہ حاصل نہیں ہے۔
اس سے پہلے کرائسٹ چرچ کے ہیگلے اوول گراؤنڈ میں کھیلے جارہے وارم اپ میچ میں نیوزی لینڈ نے ٹاس جیت کر پہلے بیٹنگ کی اور مقررہ 50 اوورز میں 8 وکٹوں کے نقصان پر331 رنز بنائے، کیویز کی جانب سے کین ولیمسن نے سب سے زیادہ 66 جبکہ برینڈن میکلم نے 59 رنز اسکور کئے۔ جنوبی افریقہ کی جانب سے ورنون فلینڈر، کائل ایبٹ اور وین پارنیل نے 2،2 جبکہ ارون پھنگیسو اور جین پال ڈومینی نے ایک ایک کھلاڑی کو آؤٹ کیا۔جنوبی افریقہ کی جانب سے 332 رنز کے ہدف کا تعاقب جاری ہے لیکن کیوی بالر پروٹیز بلے بازوں کی راہ میں رکاوٹ بنے ہوئے ہیں۔
