پستول دیکھتے ہوئے چلی گولی ایک ہلاک

مراد آباد: اترپردیش میں مراد آباد کے مجھولہ علاقے میں کل رات اچانک پستول سے چلی گولی سے ایک نوجوان ہلاک اور اسکا ساتھی زخمی ہوگیا۔پولیس ترجمان نے آج یہاں بتایا کہ ایکتا کالونی کے ننھے اور پنکج کہیں سے پستول خرید کر لائے تھے ۔ پستول دیکھتے وقت چلی گولی سے ننھے (۲۵) کی موقع پر ہی موت ہوگئی جبکہ اس کا دوست پنکج شدید طور پر زخمی ہوگیا۔زخمی نوجوان کو اسپتال میں داخل کرایا گیا ہے ۔ پولیس معاملہ کی چھان بین کررہی ہے اور اس بات کا پتہ لگارہی ہے کہ یہ لوگ کس ارادے سے پستول خرید کر لائے تھے ۔