پوجاکرنے جارہے شخص سے لاکھوںروپئے کی لوٹ

بریلی (بھاشا)اترپردیش میں بریلی ضلع کے سرولی علاقہ میں لٹیروں نے ایک جین پوجا کرنے جارہے عقیدت مند سے لاکھوںروپئے کے زیوراورنقدی رقم لوٹ لی۔
پولیس ایس پی دیہات برجیش شریواستو نے آج یہاں بتایاکہ دلی کے رہنے والے پرمود جین کل رات اپنی بیوی اوربچوں سمیت پورے کنبے کولیکر پوجا کرنے کیلئے جارہے تھے ۔انھوں نے بتایاکہ سرولی علاقہ کے سامنے دھنورا کے بیچ سڑک پر گہرے
گڈھوں کی وجہ سے جین نے جب اپنی کارکی رفتار کم کی تو اچانک بارہ بدمعاشوں نے شیشاتوڑکرگاڑی کو رکوادیا۔اوراس میں بیٹھے لوگوں کولاٹھی ڈنڈوں سے پیٹا۔شریواستونے بتایاکہ متاثرہ لوگوں کا کہناہے کہ بدمعاشوں نے لاکھوں روپئے کے زیورات اور۵۰ہزار روپئے نقدلوٹ لئے۔انھوں نے بتایاکہ پولیس نے معاملہ درج کرکے بدمعاشوں کی تلاش شروع کردی ہے۔