پولیس مڈبھیڑ میں پانچ شاطر بدمعاش گرفتار

سیمسنگ شوروم سے چوری کامال اور تین طمنچے ، کارتوس و چاقو برآمد
ہاپوڑ:ضلع کے تھانہ پنکھوا کوتوالی پولیس نے احمد پور نیا گاو¿ں روڈ پر مڈبھیڑ کے بعد پانچ شاطر بدمعاشوں کو گرفتار کرکے ۱۷جون کو سیمنگ شوروم میں ہوئی دس لاکھ کی چوری کی واردات کا پردہ فاش کیا ۔
بدمعاشوں کے قبضے سے چوری کا مال ، تین طمنچہ ، کارتوس ، اور چاقو برآمدہوئے ہیں۔ پولیس سرکل افسر پروین رنجن نے بتایاکہ گزشتہ ۱۷جون کو کالج گیٹ پولیس چوکی کے سامنے واقع سیمسنگ شوروم میں ہوئی دس لاکھ کی چوری کی وردات کا انکشاف کرنے کےلئے ایس پی کی ہدایت پر پولیس ٹیم تشکیل کی گئی تھی ۔انہوں نے بتایاکہ گزشتہ شب گاو¿ں احمد پور نیاگاو¿ں کو جانے والی سڑک پر پولیس نے مڈبھیڑ کے بعد پانچ بدمعاشوں کو گرفتارکرنے میں کامیابی حاصل کی ہے ۔ جن کے نام سونو شرماولد چاند ویر ، انوج ولد دھیرندر ، امت ولد کشن پال ، لیکھراج ولد رام بھول باشندہ شاہ پور پھگوتا گاو¿ں ، شری کانت ولد رویندر باشندہ اڑیسہ ہیں ۔ ان کے قبضے سے تین طمنچہ ، کارتوس ، چاقو اور شوروم سے چوری کا مال برآمد ہوا۔