پولیس نے د س قمار بازوں کو کیا گرفتار

لکھنؤ۔ (نامہ نگار)۔ ٹھاکر گنج پولیس نے جیت ہار کی بازی لگا رہے دس لوگوں کو رنگے ہاتھوں گرفتار کر لیا۔ پولیس نے ان لوگو ں کے پاس سے ۵۱ ہزار روپئے برآمد کئے ہیں۔ ایس او ٹھاکر گنج نے بتایا کہ بدھ کی دیر شب پولیس کو اطلاع ملی کہ عوامی مقام پر کچھ لوگ قمار بازی کر رہے ہیں ۔ اطلاع ملتے ہی پولیس وہاں پہنچی اور مصاحب گنج واقع نگم جنرل اسٹور کے پاس سے دس لوگوں کوگزشتہ شب گرفتار کیا۔ قمار بازوں نے اپنا نام گردھاری لال ماتھر، آشیش سینی، راکیش ساہو، سنجے کمار، راجہ نگم، مہیش ، روی، رحمان، روہت، سندیپ اور گنگا پانڈے بتایا۔ پولیس نے بتایا کہ ان کے پاس سے اکیاون ہزار روپئے برآمد کئے گئے ہیں۔