پولیس نے گاڑی چوری کرنے والے تین بدمعاشوں کو گرفتارکیا

لکھنؤ۔(نامہ نگار)قیصر باغ پولیس نے پیر کی شب تین شاطر گاڑی چوری کرنے والوں کوگرفتار کرنے کادعویٰ کیا ہے۔ پولیس نے گرفتار چوروںکے قبضے سے چوری کی موٹر سائیکلیں بھی برآمد کی ہیں ۔ ایس پی مغرب اجے کمار مشرا نے بتایا کہ پیر کی شب چیکنگ کے دوران قیصر باغ پولیس نے چیک بست چوراہے کے قریب سے دو موٹر سائیکل سوار تین نوجوانوں کو گرفتار کرلیا ۔ پولیس نے گرفتار ہوئے نوجوانوں سے گاڑی کے کاغذات مانگے تو نوجوان کاغذات نہیں دکھا سکے ۔ شک کی بنیا دپر جب تینوں نوجوانوں سے سختی سے پوچھ گچھ کی گئی ۔مذکورہ دونوں موٹرسائیکلیں کچھ عرصہ قبل قیصر باغ علاقے سے چوری کی گئی تھیں۔ ملزمین نے اپنا نام قیصر باغ کا باشندہ اکرم ،سلیمان اوروزیرگنج کا باشندہ سلمان بتایا۔