پولیس چوکی کے سامنے پیٹرول پمپ پر چلی گولی

لکھنؤ(نامہ نگار)چوک واقع کونیشور پیٹرول پمپ پر جمعہ کی دیر رات شراب کے نشے میںبدمست اسکارپیو سوار نوجوان نے ہوائی فائر کر دیا فائر کرنے کے بعد نوجوان گاڑی لے کر وہاں سے بھاگ نکلا۔ گاڑی کے نمبر کی مدد سے ملزم نوجوان کی شناخت ہو سکی ہے۔ پولیس نے نوجوان کی تلاش شروع کر دی ہے۔ بتایا جارہا ہے کہ گولی چلانے والے نوجوان کا نام آشیش سنگھ ہے جو بالا گنج میں رہتا ہے۔حیران کرنے والی بات یہ ہے کہ پیٹرول پمپ سے چار قدم کے فاصلے پر چوراہے پر پولیس چوکی بنی ہے جہاں پر پولیس کی موجودگی ہونا چاہئے لیکن چوکی انچارج وہاں پر تبھی دکھائی دیتے ہیں جب یاتو کوئی معاملہ سمجھوتہ کرانے پر جیب گرم کرنے کی بات آتی ہے یا پھر چیکنگ کے بہانے وصولی کرنے کا موڈ ہوتا ہے۔