پولیس کی گاڑی درخت سے ٹکرائی 2 ہلاک ایک زخمی

چتوڑ: پولیس کی گاڑی ضلع کے نیلور منڈل میں سڑک کنارے درخت سے ٹکرا گئی جس سے دو افراد بشمول پولیس کانسٹبل موقع پر ہی ہلاک ہوگئے اور ایک کانسٹبل شدید طورسے زخمی ہوگیا۔حادثہ اس وقت پیش آیا جب یہ لوگ نگاری سے وارنٹ ڈیوٹی پر ویلور جارہے تھے ۔ مرنے والا کانسٹبل نگاری تھانہ سے وابستہ تھا اس کا نام ستیش تھا۔زخمی کانسٹبل کو ویلور کے اسپتال میں منتقل کردیاگیا ہے ۔