پونٹنگ نے ہند نژادسندھو کی حمایت کی

  ملبورن۔آسٹریلیا کے سابق کپتان رکی پونٹنگ نے عالمی کپ کیلئے 15 رکنی ٹیم میں تین خوش قسمت گیند بازوں کو شامل کرنے کی وکالت کی ہے جس میں ہند نژاد فاسٹ باؤلر گروندر سنگھ سندھو بھی شامل ہیں۔پونٹنگ گھریلو ٹورنامنٹ میں جیسن اور سندھو کی تیزی بولنگ جوڑی کی فارم سے متاثر ہیں جبکہ تین بار کے اس عالمی چمپئن کا خیال ہے کہ 20 سالہ ایشٹن ایگر کو ماہر اسپنر کے طور پر شامل کیا جا سکتا ہے۔پونٹنگ نے کہا کہ پرتھ اسکورچرس کے جیسن بیہرین نے بگ بیش میں اب تک میری نظر میں شاندار کارکردگی کا مظاہرہ کیا ہے اور اس کا گھریلو ریکارڈ بھی اچھا ہے۔دوسری طرف نیو ساؤتھ ویلز میں پیدا سندھو نے 29 گھریلومیچوں میں 24۔ 36 کی اوسط سے 52 وکٹ حاصل کئے ہیں اور پونٹنگ کا خیال ہے کہ چھ فٹ تین انچ لمبا یہ گیندباز محدود اووروں کے کرکٹ میں اہم کردار ادا کر سکتا ہے۔ سندھو کے والدین پنجاب سے آسٹریلیا گئے تھے۔ پونٹنگ نے کہااور گروندر سنگھ سندھو ایک اور کھلاڑی ہے۔ مجھے لگتا ہے کہ مختصر فارمیٹ میں وہ شاندار گیند باز ہے۔ اس نے ٹی 20 میچوں میں آخری اوورز میں اچھی گیند بازی کی ہے اور غالبا یہ ایسا علاقہ ہے ج
س میں آسٹریلیا نے محدود اوورز کے میچوں میں کافی اچھی کارکردگی کا مظاہرہ نہیں کیا۔پونٹنگ کا ساتھ ہی خیال ہے کہ ایگر آسٹریلیا کو اسپن محکمہ میں اختیارات مہیا کرا سکتا ہے۔ ایگر نے گزشتہ سال ٹرینٹ برج میں ٹسٹ کے دوران 11 ویں نمبر پر بلے بازی کرتے ہوئے 98 رنز کی اننگز کھیلی تھی اور فلپ کے ساتھ عالمی ریکارڈ شراکت کی تھی۔آسٹریلیا کے سابق کپتان نے کہامیں ایشٹن کا نام لے رہا ہوں۔ میں نے پہلے اس کے بارے میں مزید بات نہیں کی لیکن میں سوچ رہا تھا کہ ورلڈ کپ میں اسپنر کتنا اہم ہو سکتا ہے۔ ہمیں پتہ ہے کہ ایگر نچلے آرڈر میں بیٹنگ کر سکتا ہے اور وہ اچھا فیلڈنگ بھی ہے۔ مجھے لگتا ہے کہ وہ ایسا کھلاڑی ہے تو ورلڈ کپ ون ڈے ٹیم میں اچھی طرح فٹ ہو سکتا ہے۔ دسمبر 2012 میں کرکٹ کے تمام فارمیٹس سے ریٹائرمنٹ لینے والے پونٹنگ کا خیال ہے کہ نوجوان آل راؤنڈر گلین میکسویل 50 اوور کے ورلڈ کپ میں اہم کردار ادا کر سکتا ہے۔