نئی دہلی ۔راجستھان رائلس کے پروین تامبے کے دو وکٹ ٹیم کی دہلی ڈیر ڈیولس پر ملی جیت میں اہم ثابت ہوئے اور اس لیگ اسپنر نے کہ
ا کہ کیون پیٹرسن جیسے کھلاڑی پر فتح حاصل کرکے اچھا محسوس ہو رہا ہے اور یہ میرے لئے فخر کی بات ہے۔ تامبے نے پیٹرسن اور کوٹن ڈی کاک کے وکٹ حاصل کئے جس سے راجستھا ن کی ٹیم میزبان کو پانچ وکٹ پر 152 رن پر روکنے میں کامیاب رہی ، جس کے بعد ان کی ٹیم نے صرف تین وکٹ گنوا کر یہ ہدف 18۔ 3 اوور میں حاصل کر لیا ۔ تانبے نے آئی پی ایل کی سرکاری ویب سائٹ سے کہاپیٹرسن کا وکٹ بہت اہم تھا کیونکہ وہ بڑا کھلاڑی ہے ، ہر کوئی یہ بات جانتا ہے ۔اگر وہ وکٹ پر رک جاتا تو وہ اپنی ٹیم کے لئے چیزیں تبدیل کر سکتا تھا ۔ہم جانتے تھے کہ وہ کم سے کم ایک گیند باز کو نشانہ بنائے گا ۔ انہوں نے کہا میں واحد اسپنر تھا تو میں نے سوچا کہ وہ مجھے نشانہ بنائے گا ۔ میں جانتا تھا کہ کس لائن اور لینتھ میں گیند بازی کرنی چاہئے اور میں نے حکمت عملی کے مطابق بولنگ کی اور اس کاوکٹ حاصل کر لیا ۔
