پیٹرول پمپ سے 50 ہزار کی لوٹ

بیگو سرائے : بہار میں بیگوسرائے ضلع کے تیگھڑا تھانہ علاقے کے دنیال پور گاؤں کے قریب بدمعاشوں نے آج علی الصبح پیٹرول پمپ سے تقریبا 50 ہزار روپے لوٹ لئے ۔
پولیس ذرائع نے یہاں بتایا کہ چار جرائم پیشہ افراد نے دنیال پور گاؤں کے قریب قومی شاہراہ نمبر 28پرواقع پیٹرول پمپ پر دھاوا بولا۔ اس کے بعد انھوں نے ہتھیار کی نوک پر پیٹرول پمپ کے ملازمین کو اپنے قبضے میں لے لیا اور تقریبا 50 ہزار روپے لوٹ کر فرار ہو گئے ۔
ذرائع نے بتایا کہ اس سلسلے میں متعلقہ تھانہ میں ایف آئی آر درج کرکے پولیس مجرموں کی گرفتاری کے لئے چھاپہ مار رہی ہے ۔