چار قیدیوں کو ایڈس ہونے سے جیل میں افراتفری

ہمیرپور: اترپردیش میں ضلع ہمیرپور کی جیل میں چار قیدیوں میں ایڈس کی علامتیں پائی گئی جس سے جیل میں افراتفری مچ گئی ہے ۔جیل سپرنٹنڈنٹ اے پی رائے نے یو این آئی کو بتایا کہ دودن پہلے ہی ان قیدیوں کو ایڈس ہونے کی تصدیق ہوئی ہے جن قیدیوں میں ایڈس کی علامتیں پائی گئی ہیں انہیں الگ بیرک میں منتقل کردیا گیا ہے ۔ایڈس سے متاثرقیدیوں کو مقامی ڈاکٹروں کے مشورے سے علاج کے لئے کانپور بھیجا جارہا ہے ۔ اگرکانپور کے ڈاکٹروں نے انہیں کہیں اور لے جانے کا مشورہ دیا تو ان قیدیوں کو وہاں بھی لے جایا جا سکتا ہے ۔مسٹر رائے نے بتایا کہ قیدیوں کو ایڈس ہونے کی اطلاع سینیئر افسران کو بھی دی جا چکی ہے ۔انہوں نے کہا کہ چاروں قیدیوں میں ایڈس ہونے کی علامتوں کی وجہ معلوم نہیں کی جا سکی ہے ۔ لیکن ابتدائی چیک اپ میں ایک ہی سرنج سے انجکشن لگائے جانے کا معاملہ سامنے آیا ہے ۔انہوں نے بتایا کہ چاروں قیدیوں کو کھانسی اور بخار آرہا تھا چیک اپ کرانے پر ایڈس ہونے کی تصدیق ہوئی۔