لکھنؤ۔(نامہ نگار)مڑیاؤں پولیس نے اتوار کو ایک شاطر چور کوگرفتار کرنے کا دعویٰ کیا ہے۔ پولیس نے گرفتار گاڑی چور کے قبضے سے چوری کی چار موٹر سائکلیں بھی برآمد کیں۔ خبر کے مطابق ایس پی ٹی جی حبیب الحسن نے بتایا کہ مڑیاؤں پولیس نے آج چیکنگ کے دوران انجینئرنگ کالج چوراہے کے قریب ایک موٹر سائکل سوار نوجوان کو روکنے کی کوشش ۔پولیس کو دیکھ کر نوجوان فرار ہونے لگاتو پولیس نے اسے گھیر کر گرفتار کرلیا ۔ پولیس نے نوجوان سے جب موٹر سائکل کے کاغذات مانگے تو نوجوان کاغذات نہیں دکھا سکا۔ شک کی بنیا پر سختی سے جب نوجوان سے پوچھ گچھ کی گئی تو اس نے بتایا کہ مذکورہ موٹر سائیکل چوری کی ہے۔ ملزم نے اپنا نام تاڑی خانہ کا باشندہ اودھیش سنگھ بتایا پولیس نے اودھیش کی نشاندھی پر چوری کی تین دیگر موٹر سائکلیں بھی برآمد کرلی ہیں۔
