حیدرآباد:آندھراپردیش کے چتور ضلع میں پرائیویٹ ٹراویلس کی بس کے الٹ جانے کے سبب تین افراد ہلاک اور دس افراد زخمی ہوگئے ۔
یہ حادثہ ضلع چتور کے سری کلا ہستی کے قریب کل رات دیر گئے اس وقت پیش آیا جب پرائیویٹ ٹراویلس کی بس کے ڈرائیور نے توازن کھودیا اور یہ بس الٹ گئی ۔
مرنے والوں میں ایک خاتون سمیت دو افراد شامل ہیں۔ زخمیوں کو فوری طور پر اسپتال منتقل کیا گیا ۔
مرنے والوں کا تعلق نیلور ضلع سے ہے ۔ مسافرین نے بتایا کہ ڈرائیور حالت نیند میں تھا ۔ کرناٹک کے ونائک ٹراویلس کی یہ بس وجئے واڑہ سے بنگلورو جارہی تھی ۔
