چورموٹرسائیکل چوری کرکے فرار

ڈومڑیاگنج سدھارتھ نگر(نامہ نگار) بھوانی گنج تھانہ علاقہ کے گائوں پینوہارکے باشندے مہندرچودھری کی موٹرسائیکل کوسنیچر کی شب نامعلوم چوروں نے چوری کرلی۔بتایاجارہاہے کہ مہندر چودھری اپنے موٹرسائیکل سنیچر کی رات اپنے گھر کے برآمد ے میں کھڑی کرنے کے بعد سونے کیلئے چلے گئے تھے۔نصف شب کو جب وہ ضروری حاجت کیلئے بیدار ہوئے تو انھوں نے دیکھا کہ ان کی موٹر سائیکل غائب ہے۔تلاش کرنے کے بعد موٹرسا ئیکل کا پتہ نہیں چلا۔مہندرنے موٹرسائیکل چوری کی تحریری شکایت اتوار کی صبح بھوانی گنج تھانہ میں دے دی ہے۔ اس سلسلے میںتھانہ انچارج بھوانی گنج رمیش نے بتایا کہ مہندر چودھری کی چوری کی رپورٹ درج کرلی گئی ہے۔تفتیش کیلئے ہفتے کے ایس آئی کو جائے موقع پر تفتیش کیلئے بھیج دیا گیا۔