لکھنؤ(نامہ نگار)مہا نگر پولیس نے ایک شاطر چور کو گرفتار کرتے ہوئے اس کے قبضے سے مندر کے ’دان پتر‘ سے چوری کی گئی نقدی برآمد کی۔ مہا نگر تھانہ انچارج نے بتایا کہ دوشنبہ کی رات پولیس کو چندر بھالیشور مندر چوتھی گلی کے نزدیک سے ایک نوجوان فرار ہوتا نظر آیا۔ پولیس نے اسے دوڑا کر پکڑا پوچھ گچھ میں اس نے اپنا نام راج کمار بتایا۔ اور بتایا کہ وہ بہرائچ کے کھیری گھاٹ کا رہنے والا ہے پولیس نے راج کمار کے قبضے سے دان پتر میں رکھے گیارہ ہزار روپئے برآمد کئے ہیں۔
