لکھنؤ(نامہ نگار)کرشنا نگر پولیس نے ایک گاڑی چور کو گرفتار کر کے اس کے قبضے سے چوری کی ایک اسکوٹی برآمدکی ہے۔ پکڑے گئے چور نے پولیس کو اپنے ایک ساتھی کا نام بھی بتایا ہے جس کے بارے میں پولیس تفتیش کر رہی ہے۔ کرشنا نگر پولیس نے جمعرات کو تلسی ادیان کے نزدیک ایک اسکوٹی سوار نوجوان کو پکڑا۔ پولیس نے جب اس کے کاغذات طلب کئے تووہ کوئی بھی کاغذ نہیں دکھا سکا۔ شک ہونے پر پولیس نے اس سے سختی سے پوچھ گچھ کی تو نوجوان نے بتایا کہ یہ اسکوٹی چند ماہ قبل کینٹ علاقے میں اپنے ایک ساتھی کے ساتھ اس نے چوری کی ہے۔ اس نے اپنا نام موہت ساکن گراؤنڈ کالونی، مانک نگر بتایا ہے۔ اس نے اپنے ایک ساتھی کا نام بھی بتایا ہے جس کے بارے میں پولیس تفتیش کر رہی ہے۔
