چوری کی موٹرسائیکلوں کے ساتھ بد معاش گرفتار

لکھنؤ(نامہ نگار)بنتھرا پولیس نے ایک شاطر بدمعاش کو گرفتار کرتے ہوئے اس کے قبضے سے چار موٹرسائیکلیں برآمد کی ہیں۔ پولیس پکڑے گئے بدمعاش کے دو ساتھیوں کی تلاش کر رہی ہے۔سی او سروجنی نگر ہریندر کمار نے بتایا کہ بنتھرا پولیس نے گذشتہ شب جانچ کے دوران مخدوم پور کیتھی نہر کے نزدیک موٹرسائیکل سوار ایک مشتبہ شخص کو دیکھا اور اس کو روکنے کی کوشش کی۔ پولیس کو دیکھ کر موٹرسائیکل سوار شخص فرار ہونے لگا تو پولیس نے اس کو گھیر کر گرفت میں لے لیا۔ شک ہونے پر پولیس نے جب اس سے سختی سے پوچھ گچھ کی تو ملزم نے بتایاکہ برآمد موٹرسائیکل چ
وری کی ہے۔ پوچھ گچھ میں ملزم نے اپنا نام بنتھرا بی بی پو رگاؤں کا منوج کمار بتایا۔ پولیس نے اس کے بعد منوج کی نشاندہی پر مزید تین موٹرسائیکلیں برآمد کیں۔ ملزم نے اپنے دو ساتھی اناؤ کے سورج سنگھ چوہان اورسجن لودھی کا نام بتایا۔ برآمد کی گئی تین موٹرسائیکلیں چوری کی ہیں جب کہ ایک موٹرسائیکل ۱۸جون کو اناؤمیں سچن گپتا نام کے شخص سے لوٹی گئی تھی۔