چوری کی موٹرسائیکل کے ساتھ دوگاڑی چور گرفتار

لکھنؤ(نامہ نگار)گوسائیں گنج پولیس نے اتوار کی دیررات دوگاڑی چوروں کو گرفتار کرتے ہوئے ان کے قبضے سے چوری کی ایک موٹرسائیکل برآمد کی ہے۔ گرفتار چور گاڑیوں کو چرانے کے علاوہ گھروں میں بھی چوری کی واردات انجام دیتے تھے۔سی او موہن لال گنج جنک پرساد دویدی نے بتایا کہ اتوار کی رات گوسائیں گنج پولیس نے کوریانی موڑ کے نزدیک سے موٹرسائیکل سوار دو مشتبہ لوگوںکو روکا۔ پولیس نے جب ان سے موٹرسائیکل کے کاغذات طلبکئے تو وہ ایک بھی پیپر نہیں دکھا سکے۔ شک ہونے پر پولیس نے جب دونوں سے سختی سے پوچھ گچھ کی تو ملزمین نے بتایا کہ مذکورہ موٹر سائیکل چوری کی ہے۔ تلاشی کے دوران ان کے قبضے سے چوری کیلئے استعمال ہونے والے آلات بھی برآمد ہوئے۔پوچھ گچھ میںملزمان نے اپنا نام گوسائیں گنج کا منشا رام اور چنہٹ کا سہج رام بتایا۔